ఆ అనుబంధానికి ప్రతీకే రాఖీ పౌర్ణమి…!

గద్వాల : అనుబంధానికి ప్రతీకే రాఖీ పౌర్ణమి . డీకే అరుణ భారత్ సింహా రెడ్డి ఎమ్మెల్యే గద్వాల అన్నారు.

శ్రావణ పౌర్ణమిని రాఖీ పౌర్ణమి, జంధ్యాల పౌర్ణమి పేర్లతో పిలుస్తారు. రాఖీ లేదా రక్షా బంధన్ దేశంలో ఎంతో వైభవంగా జరుపుకుంటారు. ఒకప్పుడు ఉత్తర, పశ్చిమ భారతదేశానికి పరిమితమైన ఈ సంప్రదాయం దేశమంతటా వ్యాపించింది. అన్నాచెల్లెళ్లు, అక్కాతమ్ముళ్ల పటిష్ట మమతానుబంధానికి రాఖీ ప్రతీక. ఈ రోజు అన్న లేదా తమ్ముడు, అన్నదమ్ముల వరసయ్యే వారికి అక్కాచెల్లెళ్లు రాఖీ కడతారు. అని డీకే అరుణ అన్నారు.

రాఖీ అంటే ‘రక్షణ’ అని అర్థం. ‘రక్ష’ అంటే రక్షించడం, ‘బంధన్’ సూత్రం కట్టడం అని అర్థం. ఒక ఇంటి ఆడపడుచు తన అన్న లేదా తమ్ముడు వేసే ప్రతి అడుగూ విజయం వైపే సాగాలని, తన సోదరుడు అత్యున్నత శిఖరాలకు చేరుకోవాలని కోరుకుంటూ సన్నటి దారాన్ని ఎర్రటి తోరణానికి చుట్టి రాఖీని తయారు చేసి, చేతికి కడుతుంది. హారతి ఇచ్చి, నుదట మంగళ తిలకం దిద్దుతుంది. దీనికి బదులుగా సోదరుడు తన సోదరికి ఏ కష్టంమొచ్చిన కాపాడతానని వాగ్దానం చేస్తాడు. ఆమెకు తనకు తోచిన కానుకలను అందజేస్తాడు.

శ్రావణ పౌర్ణమికి భారతదేశంలోని వివిధ ప్రాంతాల్లో విభిన్నమైన పేర్లు ఉన్నాయి. ఉత్తర భారతదేశంలో రక్షాబంధన్‌గా పిలిచే ఈ పండుగను సావనీ, సలోనా అనీ కూడా అంటారు. దక్షిణాదిలో నారీకేళ పౌర్ణమి, అవనీ అవిత్తమ అనే పేర్లతోనూ, మధ్య భారతంలో కజరీ పౌర్ణమి, గుజరాత్‌లో పవిత్రోపనా అనే పేర్లతోనూ పిలుస్తారు.

మహారాష్ట్రలో దీనిని నరాళి పూర్ణిమగా జరుపుకుంటారు. మహారాష్ట్ర కోస్తా తీరంలో కొలిస్ అనే మత్స్యకారులు వరుణదేవుని ఆరాధ్యదైవంగా కొలుస్తారు. రాఖీ పండుగ సందర్బంగా వీరు కొబ్బరికాయల్ని సముద్రంలోకి విసిరి వరుణదేవుని పూజిస్తారు.

సంపదలకు ప్రతీక అయిన సింధూరాన్ని ఒకరి నుదిటిపై మరొకరు దిద్దుతారు. పశ్చిమ బెంగాల్, ఒడిశాలలో ఘూలాన్ పూర్ణిమ పేరుతో రాధకృష్ణులను పూజించిన తర్వాత మహిళలు తమ సోదరులకు రాఖీలు కడతారు. రాఖీ పండుగను భారత్, నేపాల్‌లో సార్వత్రికంగా, మిగతా దేశాల్లోని హిందువులు, జైనులు, సిక్కులు జరుపుకుంటారు.అని డీకే అరుణ మరొకసారి రాఖీ పౌర్ణమి శుభాకాంక్షలు తెలిపారు.

Please follow and like us:

You may also like...